Avropa İnsan Haqları Məhkəməsi (AİHM) oktyabrın 13-də Azərbaycandan göndərilmiş şikayətlər üzrə 2 yeni qərarını elan edəcək.
Məlikov və başqaları Azərbaycana qarşı
Bu məhkəmə işlərində ərizəçilər (M.Heydərzadə, T.Səfərov, D.Məlikov) azadlıq və toxunulmazlıq hüququnun pozuntusunu mübahisələndirmişdilər.
Ərizəçilər Konvensiyanın 5.1 və 5.2-ci maddələrinə söykənərək, bir müddət məhkəmə qərarı olmadan həbsdə saxlanılmasının qanunsuzluğundan şikayət ediblər.
Əmirov Azərbaycana qarşı
Bu məhkəmə işi məhkəmə qərarının icra edilməməsinə görə ərizəçinin İnzibati Xətalar Məcəlləsinin 528-ci maddəsinə əsasən inzibati həbs cəzasına məhkum edilməsi ilə bağlıdır.
Ərizəçi ona münasibətdə Konvensiyanın 6-cı maddəsinin (ədalətli məhkəmə araşdırması hüququ) və 4 Saylı Protokolun 1-ci maddəsinin (Borca görə azadlıqdan məhrum etmənin qadağan olunması) pozuntusunun baş verdiyini iddia edir.