Hazırda (7 dekabr 2023) Avropa İnsan Haqları Məhkəməsinin (AİHM) Azərbaycanla bağlı qəbul etdiyi 333 qərar icra edilməsini gözləyir. Avropa Şurası Nazirlər Komitəsinin nəzarəti altında olan həmin qərarların 283-ü təkrarlanan, 50-si isə aparıcı (leading) işlərlə bağlıdır. AŞ NK həmin 50 qərarın icrasına genişləndirilmiş qaydada nəzarət edir.
2022-ci ilin əvvəlində AİHM-in Azərbaycanla bağlı elan etdiyi 222 təkrarlanan işlər üzrə, 49 aparıcı işlər üzrə qərarı nəzarət altında idi.
AİHM indiyə qədər Azərbaycanla bağlı ümumilikdə 455 qərar elan edib. Həmin qərarların 64-ü aparıcı işlər üzrə qərarlar olub. 391 qərar təkrarlanan işlər üzrə olub.
AİHM-in Azərbaycanla bağlı elan etdiyi ümumi qərarların (455) indiyə qədər 122-i icra edilib. Bu bütün qərarların 27 faizi deməkdir. Bütün qərarların 73 faizi icra olunmasını gözləyir. Bu göstərici AŞ məkanı ölkələri arasında ən aşağı göstəricidir.
Azərbaycandan sonra Rusiya gəlir – bu ölkə AİHM-in qərarlarının 65 faizini icra etməyib. 3-cü sırada Albaniyadır, AİHM-in bu ölkə ilə bağlı bütün qərarlarının yarısı icra edilməsini gözləyir. Qonşu ölkələrdən Ermənistan AİHM qərarlarının 36, Gürcüstan isə 45 faizini icra etməyib.
Azərbaycan indiyə qədər AİHM-in 64 aparıcı qərarının (Azərbaycanla bağlı) 14-nü icra edib. Bu, aparıcı qərarların 22 faizi deməkdir. Aparıcı qərarların 78 faizi icra edilməsini gözləyir. Bu göstərici AŞ məkanında ən aşağı göstəricidir.
Bu kateqoriyada Azərbaycandan sonra Rusiya gəlir – bu ölkə AİHM-in aparıcı qərarlarının 74 faizini icra etməyib. 3-cü sıradakı Albaniya isə aparıcı qərarların 57 faizini icra etməyib. Qonşu Gürcüstan AİHM-in aparıcı qərarlarının 42, Ermənistan isə 39 faizini icra etməyib.
İcra edilməmiş qərarların sayı üzrə ölkələrin sıralaması belədir:
1. Rusiya – 2548;
2. Ukrayna – 762;
4. Rumıniya – 489;
3. Türkiyə – 458;
5. Azərbaycan – 333;
10.12.2023