24 iyun 2024-cü il tarixdə dərc edilib
BİRİNCİ BÖLMƏ
Ərizələrin nömrələri: 29289/21 və 36060/21
Yunis SƏFƏROV Azərbaycana qarşı
və Niyaməddin ƏHMƏDOV Azərbaycana qarşı
Müvafiq olaraq 31 may 2021-ci il və 25 iyun 2021-ci il tarixlərində təqdim edilib
4 iyun 2024-cü ildə hökumətlə kommunikasiya edilməyə başlanılıb
MƏHKƏMƏ İŞİNİN MÖVZUSU
Hazırkı ərizələr həbsdə olan ərizəçilərə ailə üzvləri və ümumiyyətlə xarici aləmlə əlaqə saxlamaq və onlarla telefon danışmaq hüququna müvafiq qərar qəbul edilmədən qoyulduğu iddia edilən məhdudiyyətlərlə bağlıdır.
Ərizəçilər Konvensiyanın 8 və 13-cü maddələrinə əsaslanaraq, onlara qarşı qoyulmuş məhdudiyyətlərin qanunsuz olmasından və daxili məhkəmələrin onların şikayətlərini lazımi qaydada araşdıra bilmədiklərindən, məruz qaldıqları məhdudiyyətlərlə bağlı effektiv hüquqi müdafiə vasitələrinə sahib olmadıqlarından şikayət ediblər.
TƏRƏFLƏRƏ SUALLAR
1. Konvensiyanın 8-ci maddəsinin 1-ci bəndinin mənasında ərizəçilərin şəxsi və ailə həyatına və ya yazışmalarına hörmət etmək hüququna müdaxilə baş veribmi? Xüsusilə, onların ailə üzvləri və xarici aləmlə əlaqə saxlamaq, ailsəi və yaxınları ilə telefonla danışmaq hüququna məhdudiyyət qoyulmuşdurmu? Əgər belədirsə, bu müdaxilə qanuna uyğun və 8-ci maddənin 2-ci bəndi baxımından zəruri idimi?
2. Ərizəçilər 8-ci maddə ilə bağlı şikayətlərinin araşdırlması üçün Konvensiyanın 13-cü maddəsinin tələb etdiyi şəkildə effektiv daxili müdafiə vasitələrinə sahib idilərmi?