№81009/17 V.QULİYEV və 9 DİGƏR ƏRİZƏÇİ AZƏRBAYCANA QARŞI – 14 sentyabr 2020-ci il

BEŞİNCİ BÖLMƏ

Ərizə №81009/17

Vasif Ağabala oğlu Quliyev

və

9 digər ərizəçi Azərbaycana qarşı
(əlavə edilmiş cədvələ baxın)

Ərizəçilər mərhum türk müsəlman ilahiyyatçısı Səid Nursi təriqətinin üzvləridir. Onların ərizələri, iddia edilən qanunsuz saxlanılma və tutulma, dini etiqad azadlığına qanunsuz müdaxilə və dini toplantıların təşkili və keçirilməsinə dair qanunvericiliyin tələblərini pozduqları üçün tətbiq olunan cərimələrlə bağlı inzibati məhkəmə araşdırmasının iddia edilən ədalətsizliyi ilə əlaqədardır.

Ərizəçilər qanunsuz olaraq tutulmalarından və təxminən on iki saat polis tərəfindən saxlanılmalarından şikayət edirlər.

Bundan başqa ərizəçilər, müdafiələrini qurmaq üçün onlara lazımi vaxt verilmədiyindən və həm məhkəmədən əvvəl, həm də məhkəmə zamanı seçdikləri vəkilə müraciət etmək imkanından məhrum olunmalarından şikayət edirlər.

Onlar həmçinin işlərinə yerli məhkəmələrdə açıq baxılması hüququnun əsassız olaraq məhdudlaşdırılmasından və məhkəmə qərarlarının kifayət qədər əsaslandırılmamasından şikayətlənirlər.

Ərizəçilər əlavə olaraq, inzibati qaydada mühakimə edilmələrinin əlaqəli yerli hakimiyyət orqanlarının onların dini etiqad azadlığı hüquqlarına qanunsuz müdaxiləsi ilə əlaqəli olduğunu iddia edirlər.

TƏRƏFLƏRƏ SUALLAR

1. Ərizəçilər Konvensiyanın 5-ci maddəsinin 1-ci bəndi pozulmaqla azadlıqdan məhrum ediliblərmi? Saxlanılma protokolları (tutma haqqında protokol) tərtib edilibdi? Tərtib edilibsə, Hökumətdən həmin sənədlərin nüsxələrinin, habelə ərizəçilərin saxlanması ilə əlaqəli digər sənədlərin təqdim edilməsi xahiş olunur.

2. Ərizəçilər, Konvensiyanın 6-cı maddəsinin 1-ci bəndinin tələblərinə uyğun olaraq ədalətli mühakimə olunublarmı?

3. Ərizəçilərə Konvensiyanın 6-cı maddəsinin 3-cü bəndinin (c) tələb etdiyi kimi, özləri seçdikləri hüquqi yardım vasitəsilə özlərini müdafiə etmək imkanı verilibdi? Xüsusilə, polis bölməsində dindirmə və birinci instansiya məhkəməsindəki proseslər zamanı seçdikləri bir vəkil tərəfindən müdafiə olunma hüquqları məhdudlaşdırılıbmı?

4. Hazırkı işlərdə ictimaiyyətin məhkəmə prosesinə buraılmaması, 6-cı maddənin 1-ci bəndinin ikinci cümləsində sadalanan qanuni məqsədlərdən birini güdürdümü və bu müddəanın mənası daxilində “qəti olaraq zəruri” idimi?

5. Konvensiyanın 9-cu maddəsinin 1-ci bəndi mənasında müraciət edənlərin etiqad azadlığına müdaxilə olubmu? Əgər belədirsə, bu müdaxilə qanunla müəyyən edilmişdimi və Konvensiyanın 9-cu maddəsinin 2-ci bəndi baxımından zəruri idimi?

CƏDVƏL